Primera Olimpiada de Lengua Guaraní en Concepción

22 ha 23 jasypoapy 2019pe, ojejapo Kuaara'ã peteĩha oñemboheróva KUAARA'Ã GUARANI ÑE'Ê HA JEPOKUAA REHEGUA táva Concepción-pe  omyakãva mbo'eharakuéra: Sonia Rondelli, Juan De Dios Vargas Castro ha Griscelda Maciel de Morales, avei Mbo'ehao San José, sambyhyhára Mg Gloria Ortíz de Cristaldo, Pa'i Denis Antúnez (sdb) ha mbo'ehára Rossana Giménez.

Oipytyvõ mbarete porã avei Instituto Superior de Lenguas, Facultad de Filosofía UNA, mbo'ehára Mg. Graciela Aquino (Coord. De la carrera de Lic. En Guaraní c/énfasis en Educ.Bilingüe Intercultural) ha  Lic. Jorge Escurra Martínez, mbo'ehára omyakãva Olimpiadas del Salesianito 2018/2019_Mbo'ehao Salesianito Paraguaýpegua.

Ko tembiapo kakuaaite ojejapo Ñe'ẽ Guarani oñemomorã hag̃ua temimbo'ekuéra apytépe ikatuhag̃uaicha ko'ẽko'ẽre oikuaa, omomba'eguasu, ohayhu ha hakate'ỹ hekoteére. Ojehechakuaáre ñe'ẽnte ñanemopeteĩ ha ñanemoambue ambue pytaguágui.

Mbohapypa (30) temimbo'égui oijeiporavo pa'apy (13) ikatupyryvéva ha umíva apytégui ikatupyryvejeýva  poteî (6) ogueraha jopói (medallero)

Mbo'ehao ijatyva'ekue ha'e hína: Santa Teresita, Campo Verde, CIC(Saladillo), Colegio Salesiano San Luis (CSSL), Colegio Salesiano Don Bosco (CSDB) ha Instituto Salesiano San José (ISSJ).

Ohepyme'ẽva'ekue ipahaytépe oĩ Lic. Cecilio Martinez(Superv. Pedag.NM), Mg. Graciela Aquino (ISL), Lic. Esmilse Ramírez (ISL) ha P.Denis Antúnez (Historiador)

Ipahápe ojehechakuaa temimbo'ekuéra ikatupyryeteiha ñeikũmby, jehai ha ñe'ẽayvu jeporúpe. Péicha opyta:

Medalla de Oro: 

Shania Clarissa Ovelar Vera (Santa Teresita)

Medallas de Plata:

_Ana Monserrat Villasanti Pinto (CIC.Saladillo) ha
_Dayanara Soledad Torres Martínez (ISSJ)

Medallas de Bronce:

_José María Gómez Galeano (ISSJ)
_Liz Idalina Sanabria (CIC.Saladillo) ha avei
_Marcos David Silva Schramm (ISSJ)

Hína katu pe mbo'ehao ohupíva jopói kakuaavéva ha'e INSTITUTO SALESIANO SAN JOSÉ (CAMPEÓN GENERAL DE LA 1RA. OLIMPIADA_2019)

Ojeaguyjeme'ẽ hetaite mayma tapicha oipytyvõva'ekuépe ko kuaara'ã peteîha ojejapo hağua.

Hi'ãite ambue ary oúvape tatuichaiteve ko apopyrã Kuaara'ã rehegua.

Aguyje opavavetévape ha Ñandejára tañanderovasa tapiaite!!